საქართველოს ადვოკატთა ასოციაციამ ევროპის საბჭოს მხარდაჭერით კონფერენცია ჩაატარა თემაზე - „ადვოკატის პროფესიული საიდუმლოს დაცვის მნიშვნელობა მართლმსაჯულებისთვის და ამ მხრივ არსებული გამოწვევები“.
კონფერენციაში ადვოკატთა ასოციაციის თავმჯდომარე, ადვოკატები, საერთაშორისო ექსპერტი და ევროსაბჭოს წარმომადგენლები მონაწილეობდნენ.
შეხვედრაზე იმ პრაქტიკულ გამოწვევებზე იმსჯელეს, რომლის წინაშეც ადვოკატები დგანან პროფესიული საიდუმლოს დაცვის მიმართულებით.
კონფერენცია ევროპის საბჭოს მხარდაჭერით შერატონ მეტეხი პალასში ჩატარდა.
