1 ივლისს, ქუთაისში, ადვოკატთა ასოციაციის ადვოკატის უფლებათა დაცვის ოთხმა კომიტეტმა ერთობლივი კონფერენცია გამართა, სადაც კომიტეტების მიერ განხორციელებული საქმიანობის შესახებ ანგარიში წარმოადგინეს.
შეხვედრაზე, ადვოკატთა ასოციაციის თავმჯდომარე დავით ასათიანმა და კომიტეტების თავმჯდომარეებმა ყურადღება გაამახვილეს ადვოკატის უფლებათა დარღვევის კონკრეტულ ფაქტებზე და იმ პრობლემურ საკითხებზე, რომელიც კომიტეტისადმი მომართული განცხადებების შინაარსში იკვეთება და იმსჯელეს აღნიშნული პრობლემების მოგვარების გზებზე.
კონფერენციის მონაწილეებმა დისკუსიის რეჟიმში განიხილეს საადვოკატო საქმიანობასთან დაკავშირებული პრინციპები და სტანდარტები.
