5 დეკემბერს, კონკურენციის მსოფლიო დღესთან დაკავშირებით, სემინარი გაიმართა თემაზე "ევროკავშირის მხარდაჭერა კონკურენციის სფეროში".
ღონისძიებაზე სიტყვით გამოვიდნენ საქართველოს ადვოკატთა ასოციაციის თავმჯდომარე დავით ასათიანი, საქართველოს კონკურენციის სააგენტოს თავმჯდომარე ნოდარ ხადური და ევროკავშირის პროექტის გუნდის ხელმძღვანელი აურელიო ლა ტორე.
"კონკურენციის სფეროს განვითარება უმნიშნელოვანესია ქვეყანაში სამართლიანი ეკონომიკური გარემოს ჩამოყალიბებისათვის და უცხოური ინვესტიციების შემოსვლის ხელშეწყობისათვის. ადვოკატთა ასოციაცია ამ კუთხით აგრძელებს აქტიურ მუშაობას კონკურენციის სააგენტოსთან როგორც საკანონმდებლო ინიციატივების ასევე ერთგვაროვანი სასამართლო პრაქტიკის ჩამოყალიბების თვალსაზრისით." - განაცხადა დავით ასათიანმა.
