„ადვოკატთა შესახებ“ საქართველოს კანონში შესული ცვლილებების შედეგად, ადვოკატის პროფესიაში შესვლის სტაჟირების ახალ წესთან დაკავშირებით, რომელიც ამოქმედდება 2019 წლის 1 იანვრიდან, საქართველოს ადვოკატთა ასოციაციის საგანმანათლებლო საბჭომ ცვლილებების თაობაზე იურიდიული საზოგადოების ინფორმირების კამპანიის ფარგლებში დაიწყო შეხვედრები უმაღლესი სასწავლებლების იურიდიულ ფაკულტეტებთან.
აღნიშნული კამპანიის ფარგლებში ადვოკატთა ასოციაციის საგანმანათლებლო საბჭოს თავმჯდომარემ, ადვოკატმა ირაკლი ყანდაშვილმა და სასწავლო ცენტრის დირექტორმა ქეთევან თურაზაშვილმა პირველი შეხვედრა გამართეს გრიგოლ რობაქიძის სახელობის უნივერსიტეტის იურიდიული ფაკულტეტების წარმომადგენლებთან და სტუდენტებთან.
ადვოკატთა ასოციაცია აგრძელებს უმაღლესი სასწავლებლების იურიდიულ ფაკულტეტებთან შეხვედრათა სერიას.
