19 მარტიდან ადვოკატთა ასოციაციის წევრები თბილისში ფუნქციონირებად სამედიცინო ცენტრში „მედკო“ სპეციალური, 20% იანი ფასდაკლებით ისარგებლებენ.  შეღავათები ყველა სახის მიმდინარე სერვისის შიდა ფასზე ვრცელდება. 

ადვოკატთა იდენტიფიცირება რეგისტრატურის ონლაინ ბაზაში პირადობის მოწმობის დამადასტურებელი დოკუმენტისა და ასოციაციის წევრის მოწმობის წარდგენის საფუძველზე იქნება შესაძლებელი.

მომსახურების ჩამონათვალი

•    50-ზე მეტი, სხვადასხვა პროფილის ექიმების მომსახურება ბინაზე გამოძახებით: პედიატრი, რევმატოლოგი, დერმატოლოგი, თერაპევტი, ენდოკრინოლოგი და სხვა;
•     ექთნის მომსახურება;
•  ექოსკოპიური კვლევა - სხვადასხვა სეგმენტის ულტრაბგერითი დიაგნოსტიკა მათ შორის: ექოკარდიოსკოპია, სამეანო ექოსკოპია, ნეიროსონოსკოპია ჩვილებში, მენჯ-ბარძაყის სახსრის კვლევა ჩვილებში, დოპლეროგრაფია, რბილი ქსოვილები, სახსრის ექოსკოპია და სხვ.
•    ციფრული რენტგენოლოგიური დიაგნოსტიკა;
•    ლაბორატორიული კვლევების სრული სპექტრი;
•    Covid 19-ის დიაგნოსტიკა: PCR და სწრაფი ტესტირება SARS-CoV Antigen-ი ნაცხით;
•    სმენის ხარისხის განსაზღვრა - აუდიომეტრია;
•    გარეგანი სასუნთქი სისტემის ფუნქციის კვლევა - სპირომეტრია;
•    24 საათიანი ჰოლტერის მონიტორირება;
•    ეკგ - ელექტროკარდიოგრაფია;
•    ფსიქოლოგის ვიზიტი ბინაზე მომსახურებით;
•   მასაჟი - როგორც სამედიცინო, ასევე კოსმეტოლოგიური და ზოგად გამაჯანსაღებელი მასაჟის პროცედურები სასურველ მისამართზე გამოძახებით.
მის: თბილისი, მცხეთის ქუჩა N 19/21

ადვოკატთა ასოციაცია სხვადასხვა კომპანიასთან თანამშრომლობით ადვოკატებისთვის კორპორაციული პაკეტების შექმნას განაგრძობს. შემდეგ ეტაპზე სპეციალური შეთავაზებების ჩამონათვალს კიდევ რამდენიმე მსხვილი კომპანია დაემატება.

ადვოკატთა ასოციაცია ჯანმრთელობას გისურვებთ!