განგრძობადი იურიდიული განათლების ფარგლებში ადვოკატთა ასოციაციაში ადვოკატებისთვის ტრენინგები ჩატარდა.
11 აპრილის ტრენინგის თემა იყო: „ინდივიდუალური შრომითი ურთიერთობები საქართველოს კანონმდებლობა და საერთაშორისო სტანდარტები.“ სამუშაო შეხვედრაზე მონაწილეებმა განიხილეს საკითხები, როგორებიცაა: შრომითი დისკრიმინაცია; შრომითი ხელშეკრულების შეწყვეტა და სხვ.
ტრენინგს ექსპერტი, თამარ გაბისონია უძღვებოდა.
15 აპრილს ტრენინგი ჩატარდა თემაზე: „საჯარო სამსახურის შესახებ საქართველოს კანონში შესული ცვლილებები.“
შეხვედრის მონაწილეებმა განიხილეს საჯარო სამსახურის სისტემასთან დაკავშირებული საკითხები, ძირითადი პრინციპები, რანგირება; საჯარო მოსამსახურის უფლებები და მოვალეობები; გათავისუფლების საფუძვლები და წესი და სხვ.
შეხვედრას ექსპერტი რაისა ლიპარტელიანი უძღვებოდა.
